«Evrovıdenıe-2015» baıqaýyna alǵashqy bıletter satyla bastamaq
ASTANA. QazAqparat - «Evrovıdenıe-2015» baıqaýyn tamashalaǵysy keletin kórermender úshin alǵashqy bıletter partııasy 15 jeltoqsannan bastap satylymǵa shyǵarylady, dep habarlanǵan halyqaralyq án baıqaýynyń resmı saıtynda.
Satýǵa barlyq úsh kontsertke jáne shoýdyń basty repıtıtsııalaryna bıletter shyǵarylady. Olardyń baǵasy máselen, basty repıtıtsııalar úshin 14 eýrodan bastalsa, Gold sanatyndaǵy fınaldyq kontserti úshin 390 eýroǵa deıin bolmaq. Bıletterdiń basym bóliginiń quny 49 eýrodan bastap 150 eýroǵa deıingi aralyqta.
Kóp bıletter 2015 jyly mamyr aıynda ótetin baıqaýdyń sahnasy retinde tańdalǵan Wiener Stadthalle-de kameralardyń ornalastyrylýy, sahnany bezendirý tárizdi máseleler túbegeıli sheshilgen soń, aldaǵy aılarda satýǵa shyǵarylady. Aıta keteıik, «Evrovıdenıe-2015» án baıqaýy Avstrııanyń Vena qalasynda ótpek. Baıqaýdyń eki jartylaı fınaly 19 jáne 21 mamyrda, al fınaly 23 mamyrda bolady. Oǵan qatysatyn elderdiń sany kelesi jyldyń basynda anyqtalady.
