«Evrovıdenıe-2015» baıqaýyn shoý tarıhynda alǵash ret tek áıel adamdar júrgizbek
ASTANA. QazAqparat - Avstrııanyń ORF ulttyq habar taratýshysy «Evrovıdenıe-2015» eýroshoýyn kelesi jyly júrgizetin adamdardyń esimderin atady. Olar - Mırıam Veıhselbraýn, Alıs Tamler jáne Arabella Kesbaýer. Bul baıqaý tarıhynda ony úsh birdeı áıel júrgizetin alǵashqy oqıǵa.
Mırıam Veıhselbraýn - Avstrııanyń tanymal telejúrgizýshisi, ortalyq telearnalarda qyzmet atqarady. Alısa Tamler bolsa bes shet tilin meńgergen, teledıdardaǵy oıyn-saýyq baǵdarlamalaryn júrgizedi. Arabella Kesbaýer shoý-bıznes álemine 90-shy jyldardyń basynan beri atsalysýda, ol eldegi iri tok-shoýlardyń júrgizýshisi, qaıyrymdylyq jáne quqyqqorǵaý qyzmetterimen aınalysady.
ORF dırektory Katrın Zehnerdiń aıtýynsha, júrgizýshilerdi tańdaý eń aldymen «Evrovıdenıe-2015» baıqaýynyń ıdeıasy men «Building Bridges» uranyna negizdelgen. Bul boıjetkender túrli jas erekshelikterimen erekshelenip, eýropalyq halyqtardyń dástúrlerin pash etedi.
