«Evrovıdenıe-2015» baıqaýy sahnasynyń alǵashqy fotosýreti jarııalandy
ASTANA. QazAqparat - Ǵalamtorda «Evrovıdenıe-2015» halyqaralyq án baıqaýynyń sahnasynyń alǵashqy grafıkalyq fotosýreti jarııalandy, dep habarlanǵan baıqaýdyń resmı saıtynda.
Biregeı jaryqdıodty konstrýktsııa bıiktigi 14 metrge jetetin, tereńdigi 22 metr bolatyn baǵanalardan turady. Baıqaýdy uıymdastyrýshylardyń aıtýynsha, mundaı jaryqdıodty baǵanalar san myńdaǵan jaryq áserlerin týdyrady. Shoý sahnasynda barlyǵy 1288 jaryqdıodty baǵanalar ornatylmaq. Baıqaý sahnasynyń jekelegen elementi - LED qabyrǵanyń eni 22 metr, al bıiktigi 9 metr. Sondaı-aq sahna edeniniń astyna zal men sahnanyń jaryqtandyrylý deńgeıin baqylaıtyn arnaıy generatorlar ornatylmaq. Esterińizge sala keteıik, «Evrovıdenıe-2015» án baıqaýy Avstrııanyń Vena qalasynda 1950 jyly salynǵan Wiener Stadthalle zalynyń eń úlken alańynda ótpek. Bul arenaǵa shamamen 16 myń adam sııady, al 60-shy márte uıymdastyrylǵaly otyrǵan baıqaýǵa 39 eldiń ónerpazdary qatysady.
