«Evrazııalyq saýda júıesi» taýarlyq bırjasynyń qyzmeti lıtsenzııalandy
ALMATY. Aqpannyń 3-i. QazAqparat /Erbol Azanbek/ - QR Indýstrııa jáne saýda mınıstrligi «Evrazııalyq saýda júıesi» (ESJ) taýarlyq bırjasyna bırjalyq qyzmetti júzege asyrýǵa quqyq beretin № 1000001 lıtsenzııa berdi,
dep habarlaıdy QazAqparat ESJ baspasóz qyzmetine silteme jasap.
Esterińizge sala keteıik ótken jylǵy qarashanyń 26-sy kúni QR Úkimetiniń № 1942 «Taýar bırjalarynyń qyzmeti men bırjalyq brokerlerdi jáne bırjalyq dılerlerdiń qyzmetin lıtsenzııalaýdy bekitý týraly» qaýlysy shyqqan bolatyn. Osyǵan sáıkes jańa jyldan bastap ESJ qyzmetin ýaqytsha toqtatqan bolatyn. Keshe Indýstrııa jáne saýda mınıstrligi tarapynan № 1 lıtsenzııany «ESJ» taýar bırjasyna berýge sheshim shyqty. Baspasóz qyzmetiniń habarlaýynsha, lıtsenzııa alýǵa sáıkes jaqyn kúnderi bırjalyq saýda qalpyna keltiriletin bolady.
