Evo Morales Meksıkanyń saıası baspana berý týraly usynysyn qabyldady
SÝKRE. QazAqparat - Evo Morales Bolıvııa prezıdenti qyzmetinen otstavkaǵa ketetini týraly málim etkennen keıin kelesi kúni Meksıkanyń saıası baspana berý týraly usynysyn qabyldady, dep habarlaıdy QazAqparat BBC News-qa silteme jasap.
Meksıka syrtqy ister mınıstri Marselo Ebrard Moralestiń Meksıka úkimeti ushaǵynyń bortyna otyrǵanyn rastady.
Sondaı-aq, Bolıvııa qarýly kúshteriniń basshysy áskerge Moralestiń jaqtastarymen qaqtyǵysqa qatysyp jatqan polıtsııany qoldaýdy buıyrdy.
Málimetke sáıkes, qaqtyǵys saldarynan 20 adam jaraqat alǵan.
Bolıvııa senatynyń vıtse-prezıdent Janın Anes jańa saılaý ótkenge deıin prezıdent qyzmetin ýaqytsha atqaratynyn málimdedi.
Aıta keteıik, jeksenbi kúni Morales elden ketý jospary joq ekenin atap ótti. «Meniń qashýǵa eshqandaı sebebim joq. Bolıvııa halqy eshkimdi tonamaǵanymdy bilgenin qalaımyn. Eger kim de kim bizdi urlyq jasady dep oılaıtyn bolsa, ózime kelip aıtsyn. Dálelder ákelsin», - dedi ol.
Eske salaıyq, Bolıvııa prezıdenti Evo Morales ótken aıda ótken prezıdenttik saılaý barysynda «aıtarlyqtaı zań buzýshylyqtar» bolǵany týraly jarııalanǵannan keıin jeksenbi kúni otstavkaǵa ketti.
Ol Twitter-de «Bolıvııadan ketip jatqany óte aýyr ekenin, biraq ol jańa kúsh pen energııamen qaıta oralatynyn» jazdy.
