Evo Morales Bolıvııadaǵy prezıdenttik saılaýǵa 4-inshi ret qatyspaq
ASTANA. QazAqparat - Bolıvııanyń joǵary saılaý soty respýblıkanyń qazirgi prezıdenti Evo Moralestiń jańa merzimge usynylýyn maquldady. Bul týraly seısenbide Agencia Boliviana de Informacion agenttigi habarlady.
Agenttiktiń dereginshe, Moralesten tys, Hrıstıan-demokratııalyq partııadan Haıme Pas Samora, «Bolıvııa: «Joq» deıdi» alıansynan Oskar Ortıs, «Úshinshi júıe qozǵalysynan» Felıks Patsı, «Ulttyq revolıýtsııa qozǵalysynan» Vırhınıo Lema, «Azamattyq birlik - Solıdarlyq» partııasynan Vıktor Ýgo Kardenas, «Bolıvııa ulttyq áreketi» partııasynan Rýt Nına, sondaı-aq «Azamattyq qoǵamdastyq» partııasynan usynylǵan Bolıvııanyń burynǵy prezıdenti Karlos Mesanyń kandıdatýralaryna ruqsat etilgen.
Túpkilikti úndis turǵyndarynan shyqqan el tarıhyndaǵy tuńǵysh prezıdent Morales bılik basyna 2005 jylda kelgen bolatyn. Ol 2009 jáne qatarynan úshinshi ret saılanýǵa tyıym salynǵanyna qaramastan 2014 jyldary qaıta saılanǵan. Sol kezde Konstıtýtsııalyq sot 2009 jyly Bolıvııada jańa negizgi zań qabyldanǵanyn basshylyqqa ala otyryp, onyń qaıta saılanýynyń zańdylyǵyn moıyndaǵan.
