Evgenıı Tışenko: Qazaq halqynan keshirim suraımyn
ASTANA. QazAqparat - Reseılik boksshy Evgenıı Tışenko qazaqstandyq jankúıerlerden keshirim surady, dep habarlaıdy «Bel.Rý».
«Meniń atyma sondaı jaman hattar kelýde, oǵan tózý múmkin emes. Tipti munyń ózi meniń bulaı sóıleýimdi aqtamaıdy. Endigide ne aıtyp otyrǵanymdy oılaıtyn boldym. Men óz sózim úshin qazaqstandyq jankúıerlerden, barsha qazaq halqynan keshirim suraımyn. Men barlyq ultqa qurmetpen qaraımyn jáne syndy da kóteremin. Kópshiligi rıngte turyp, nátıjege kúsh salýdyń qandaı aýyr ekenin bilmeıdi de. Júzdegen adam anaıy sózdermen, orfografııalyq qatelermen negatıvti pikir qaldyrdy. Tipti prezıdent pen meniń otbasyma da hattar keldi. Yńǵaısyz boldy. Men Qazaqstanda boldym jáne maǵan qatty unaǵan. Qazaq halqyn renjitip alam dep oılamadym. Arazdyqty qozdyrǵan jýrnalıster men qaskóılerge sózim joq», - dep málimdedi Evgenıı Tışenko.
Jelide «Komsomolskaıa pravda» radıosynyń stýdııasyndaǵy beınejazba tez tarady. Onda Tışenko jýrnalısterden jeńiske degen áserdi suramaýyn ótinip, «Men ol ultty asa qurmettemeımin» degen edi.
Rıo-de-Janeırodaǵy Olımpıadada Tışenko qazaqstandyq Levıtti jeńdi. Jankúıerler ysqyrý arqyly bul sheshimge narazylyqtaryn bildirdi.
