Evgenıı Pýsıkovtyń tálimgerleri fýtboldan Izraıl quramasymen 2011 jylǵy álem chempıonatynyń irikteý kezeńindegi qarymta kezdesýin ótkizedi
ALMATY. Maýsymnyń 15-i. QazAqparat /Erlik Erjanuly/ - Astanada maýsymnyń 19-y kúni áıelder arasyndaǵy ulttyq qurama fýtboldan 2011 jylǵy álem chempıonatynyń irikteý kezeńindegi qarymta kezdesýin Izraıl aıaqdopshylarymen ótkizedi.
Qurama tizginin sáýir aıynda ustaǵan Evgenıı Pýsıkov qazir sońǵy oqý jattyǵý jıynyn ótkizip jatyr. Maýsymnyń 17-sine deıin sozylatyn bul sharaǵa 23 fýtbolshy shaqyrylyp otyr. Bas bapker «Astana arena» stadıonyndaǵy bul kezdesýge olardyń 17-sin iriktep aldy. Al jattyǵý jıynyna kele almaǵan Permniń «Zvezda» komandasynda óner kórsetetin qaqpashy Irına Saratovtseva quramaǵa maýsymnyń 18-i kúni qosylmaq. Qazirgi tańda 4 oıynnyń qorytyndysy boıynsha óz tobynda kósh sońynda kele jatqan qazaqstandyq aıaqdopshylar byltyr qyrkúıektiń 24-i kúni syrt alańda ızraıldikterge 1:0 esebimen ese jibergen edi. Qarymta kezdesýge olardy endi E.Pýsıkov ázirlep otyr.
Qazaqstandyqtar buǵan deıin sońǵy oıynyn naýryzdyń 28-inde óz alańynda reseıliktermen ótkizip 0:6 esebimen oısyraı utyldy. Izraıldikter bolsa odan bir kún buryn syrt alańda shveıtsarııalyqtarǵa osyndaı eseppen ese jiberdi. Olar 5 oıynnyń tórteýinde jeńilis tapsa, qazaqstandyqtar 4 oıynnyń tórteýinde de utylyp qaldy. Qazir kósh basyndaǵy Reseı (4 oıyn) men Shveıtsarııada (5 oıyn) 12 upaı, Irlandııada (6 oıyn) 9 upaı, Izraılde (4 oıyn) 3 upaı bolsa, al Qazaqstan qorjyny (4 oıyn) áli bos tur.
