Evgenıı Plıýşenko Astanaǵa degen ystyq yqylasyn jetkizdi
Shoý Petr Chaıkovskııdiń mýzykasyna jazylǵan nemis jazýshysy-romantık Ernst Gofmannyń «Jańǵaq shaqqysh jáne tyshqan patshasy» ertegisiniń jelisi boıynsha qoıylǵan.
«Men Astana qalasyn, osynda turatyn adamdardy qatty jaqsy kóremin. Bári sondaı- ádemi, jarq-jurt etip tur, joldaryńyz sapaly, salynyp jatqan ǵımarattardyń sáýleti erekshe. Men bul shaharǵa alǵashqy ret eki jyl buryn kelgen edim. Sol kezde aq túıgenim, Astana shaǵyn Dýbaı eken. Qalada ǵımarattar kóptep salynýda. Sizderde barlyǵy bar. Qala damýda, memleket damýda. Sizderdiń elderińizben dostyq qarym-qatynasta bolǵanyma rızamyn, bul qýantarlyq jaǵdaı», - dedi E. Plıýşenko baspasóz máslıhatynda.
Plıýşenkonyń sózine qaraǵanda, Astanada muz aıdynda óner kórsetý úshin, sharany uıymdastyrý úshin týra bir jyl ketken. Qoıylymdy kórsetý úshin eń myqty mamandar tartylǵan.
«Qyzyqty baǵdarlama jasaǵym keldi, kórermenderdiń sózine, ystyq yqylasyna qaraǵanda oıym júzege asqan sııaqty. Biz Astana qalasynda 15 shildege deıin bolamyz. Kúnde jumys isteımiz. Keshe tamasha tusaý keser ótti, bárine unady dep úmittenemin. Astana qalasynyń turǵyndary men qonaqtaryna, jalpy kórermenderge ystyq yqylaspen qarsy alǵandary úshin ózimniń alǵysymdy bildirgim keledi», - dedi E. Plıýşenko.