Evgenıı Koshkın – «Kúmis shar» týrnıriniń chempıony

ASTANA. KAZINFORM – Qazaqstandyq konkıshi Nıderlandynyń Leývarden qalasynda ótken bedeldi kórme týrnırinde ekinshi márte qatarynan «Kúmis shar» júldesin enshiledi.

Sportty damytý dırektsııasy málimetinshe, 100 metr qashyqtyqtaǵy fınaldyq jarysta otandasymyz nıderlandtyq Stefan Vestenbroek pen Mats Van Den Bostan ozdy.

Evgenıı Koshkın - 00:09.56 sekýnd

Stefan Vestenbroek - 00:09.69

Mats Van Den Bos - 00:09.82

Básekege Olımpıada chempıony Djordan Shtolts (AQSh) pen bıylǵy álem chempıony Ennıng De Bo (Nıderland) da qatysty.

2025 jyly Evgenıı Koshkın osy týrnırge qatysyp, aıtýly týrnırdi jeńgen tuńǵysh qazaqstandyq sportshy atanǵan edi.

Aıta keteıik, otandasymyz ótken aıda Mılan-2026 Olımpıadasynda 500 metr qashyqtyqta júldege talasyp, 9-orynǵa turaqtaǵan.

Bıatlonnan Estonııanyń Otepıa qalasynda ótetin álem kýbogy kezeńine qatysatyn qazaqstandyq sportshylardyń esimi belgili boldy.