Evgenıı Koshkın konkımen júgirýden Álem kýbogynyń kezeńinde qola júldeger atandy

ASTANA. KAZINFORM – Qazaqstandyq konkımen júgirýshi Evgenıı Koshkın Nıderlandtyń Herenven qalasynda ótken álem kýbogynyń kezeńinde qola júldege ıe boldy. Bul týraly Ulttyq olımpıadalyq komıtet málim etti.

Sportshy 500 metr qashyqtyqta úshinshi oryn aldy. Ol márege 34,30 ýaqyt kórsetkishimen jetip, óz jeke rekordyn jańartty.

Jeńisti 34,18 nátıjesimen nıderlandtyq Ennıng De Bo ıelendi. Ekinshi oryndy 34,27 ýaqytymen AQSh sportshysy Djordan Shtolts aldy.

Aıta keteıik, buǵan deıin Koshkın Polshada ótken Álem kýbogynyń kezeńinde top jarǵan edi.

Edýard Kım ártistik júzýden Álem kýbogynyń kezeńinde kúmis júldege ıe bolǵanyn jazǵan bolatynbyz.