Evgenıı Koshkın konkımen júgirýden álem kýbogy kezeńinde altynnan alqa taqty

ASTANA. KAZINFORM — Qazaqstandyq konkımen júgirýshi Evgenıı Koshkın Nıderlandtyń Herenven qalasynda ótken álem kýbogynyń kezeńinde jeńimpaz atandy.

Almatylyq sportshy 500 metr qashyqtyqty 34,46 sekýndta baǵyndyryp, altynnan alqa taqty.
E.Koshkın artta qaldyrǵandar arasynda álemniń úsh dúrkin chempıony, 2022 jylǵy

Olımpıadanyń kúmis júldegeri, kanadalyq Loren Dıýbrel de bar. Ol 34,51 sekýnd nátıjemen ekinshi, nıderlandylyq Ennıng De Boo (34,52) úshinshi orynǵa ıe boldy.
Buǵan deıin 22 jastaǵy Evgenıı Koshkın bıyl Qytaıdyń Harbın qalasynda qysqy Azııa oıyndarynda 100 metrden kúmis júldeger atansa, Tomashýv-Mazovetskıde (Polsha, 500 metr) álem kýbogy kezeńinde úzdik shyqty. Herenvende taǵy bir qolany jeńip aldy.

Qazaqstan tarıhynda álem kýbogy kezeńinde E.Koshkınge deıin Vadım Shaqshabaev 1995 jyly eki, Roman Krech 2016 jyly Harbınde bir altyn medal alǵan edi. 

Eske sala keteıik, budan buryn Evgenıı Koshkınniń konkımen júgirýden álem kýbogynyń kezeńinde qola júldeger atanǵanyn jazǵan bolatynbyz.