Everesten shyqqan qoqys art-nysandarǵa aınalady
KATMANDÝ. QazAqparat – Nepalda Everesten shyqqan qoqys óner týyndylaryna aınalady. Osylaısha, el bıligi álemdik qaýymdastyqty dúnıe júzindegi eń bıik taýdyń rekordtyq lastanýy týraly eskertýge tyrysýda, dep habarlaıdy QazAqparat Reuters agenttigine silteme jasap.
Alpınıster men trekerler tastaǵan qoldanylǵan ottegi ballondary, jyrtylǵan shatyrlar, arqandar, synǵan baspaldaqtar, kanıstrler jáne plastıkalyq oramdar 8848,86 metrlik shyń men onyń aınalasyndaǵy jerlerdi lastap jatyr.
Joba jetekshisi jáne Nepaldaǵy kelýshilerge arnalǵan aqparat ortalyǵynyń jáne qoqysty qaıta óńdeý nysanynyń teń quryltaıshysy Tommı Gýstafsson sheteldik jáne jergilikti sýretshiler qaldyqtardan sándik óner jasaýmen aınalysatynyn, sonymen qatar olar turǵyndardy osyǵan úıretetinin aıtty. Ortalyqtyń ózi Sıangbochta 3,7 myń metr bıiktikte, Everestiń bazalyq lagerine aparatyn negizgi jolda ornalasqan.
«Biz qatty qaldyqtardy qymbat óner týyndylaryna qalaı aınaldyrýǵa bolatynyn jáne jumys oryndary men kiristi qalaı qamtamasyz etýge bolatynyn kórsetkimiz keledi. Biz adamdardyń qoqys týraly túsinigin ózgertemiz dep úmittenemiz», - dedi Gýstafsson Reuters agenttigine.
