Everest taýy alasaryp ketti
ASTANA. QazAqparat - Úndistan úkimeti Everest (Djomolýngma) bıiktigin qaıta ólshemek, sebebi ǵalymdardyń aıtýynsha, 2015 jyly Nepalda bolǵan jer silkinisinen taý alasarýy múmkin. Bul týraly Bı-Bı-Sı agenttigi habarlady.
Úkimet komıssııasynyń basshysy Svarna Sýbba Rao álemniń eń bıik taýyna eki aıdan keıin ekspedıtsııa attanatynyn habarlady.
Bıiktikti qaıta ólsheýge eki aı ketedi, al ony eseptep shyǵýǵa eki apta kerek.
Buǵan deıin ǵalymdar spýtnıkten túsirilgen sýretterge qarap, 2015 jylǵy jer silkinisinen keıin Everest taýynyń birneshe santımetrge tómendegenin habarlaǵan edi.
1955 jyly júrgizilgen ólshemderge sáıkes Everest bıiktigi 8 848 metrdi quraıdy.
Eske sala ketsek, 2015 jyldyń sáýir aıynda Nepalda 7,8 baldyq zilzala boldy, saldarynan segiz myńnan astam adam kóz jumdy.
