Everest shyńyna shyqpaq bolǵan eki alpınıst qaza tapty
NUR-SULTAN. QazAqparat – Everest taýynyń shyńyna shyǵar jolda amerıkandyq jáne shveıtsarııalyq eki alpınıst qaza tapty. Bul týraly QazAqparat Agence France Presse agenttigine silteme jasap habarlaıdy.
Nepaldyń Seven Summit Trek Mingma Sherpa týrıstik operatory ókiliniń aıtýynsha, shveıtsarııalyq alpınıst taý shyńynda álsireýden kóz jumǵan. Amerıkandyq áriptesi «Hılları satysy» ýchaskesine deıin jetip, onda álsireý jáne oftalmııadan qaıtys boldy.
Týroperator basshysy Chhang Dava Sherpa Instagram-daǵy jeke paraqshasynda mert bolǵandardyń otbasylaryna kóńil aıtty. «Biz olarǵa qosymsha ottegi jáne qajetti azyq-túlikti jiberdik, biraq ókinishke qaraı sherpter ony (shveıtsarııalyq alpınısti) qutqara almady. Sherptiń ottegi jáne qosymsha qoldaý jetkizýiniń arqasynda amerıkandyq alpınıst Ońtústik bóligine deıin aman jetti, biraq sol jerde kóp uzamaı kóz jumdy», - dep jazdy ol.
Agenttiktiń naqtylaýynsha, qazirgi kezde aýa raıynyń qolaısyzdyǵy alpınıstterdiń máıitterin tómen túsirip, otandaryna jetkizýge múmkindik bermeı jatyr.
