Everest shyńyn baǵyndyrǵandar Gımalaıǵa eki jyl tegin kóterile alady
ASTANA. Mamyrdyń 14-i. QazAqparat - Nepaldaǵy Gımalaıdy baǵyndyrǵysy keletin sheteldik alpınıster, eń aldymen bul áýes isterine qomaqty qarjy jumsaýlary kerek.
Biraq ta, endi olardyń eń kúshtileri men sheberlerine biraz jeńildikter jasalatyn bolady, dep habarlaıdy ITAR-TASS agenttigi.
Aǵymdaǵy aptada Nepal ókimeti, álemniń eń bıik shyńy sanalatyn Everesti (teńiz deńgeıinen 8848 metr bıiktikte ornalasqan) nemese Gımalaıdyń basqa da bıik shyńdarynyń birin baǵyndyrǵan sheberlerge kelesi jyldyń sońyna deıin elge kelýge tegin bonýs-vıza beriletinin málim etti. Osylaısha, Nepal úkimeti Gımalaı memleketine kelip, taýdyń saf aýasymen tynys alǵysy keletin, býddalardyń eskertkishterin kórgisi keletin jáne ózderiniń alpınıstik qabiletterin tekserip, bir-eki shyńdy baǵyndyrýǵa yqylasty, tipti Everestiń ózine shyqqysy keletin sheteldik qonaqtardy kóbirek tartpaq nıette.
«Álemniń eń bıik shyńyn baǵyndyrǵan jeńimpazdarǵa 2010- jáne 2011 jyldarǵa tegin vıza beriledi», - dep habarlady Nepaldyń týrızm mınıstrliginiń ókili Randjan Arıal.
