Sıdneıdegi atysta 20 adam jaralandy

ASTANA. KAZINFORM — Sıdneıdegi adam kóp júretin kóshede er adam 20 adamdy jaralady, dep habarlaıdy BTA.

Qylmysker ótip bara jatqan kólikterge, sonyń ishinde polıtsııa qyzmetkerlerine oq jaýdyrǵan. Ol 100-ge jýyq oq atyp, halyqtyń úreıin qashyrdy.

Belgili bolǵandaı, bir adamnyń jaǵdaıy aýyr. Taǵy birneshe adam aýrýhanaǵa jatqyzyldy. Oqys oqıǵada zardap shekkenderdiń kópshiligi áınek synyqtarynan jaraqat alǵan.

Qylmysker eki saǵattan keıin Sıdneıdegi páterde ustaldy. 60 jastaǵy er adam tutqyndaý kezinde alǵan jaraqattarynan keıin aýrýhanaǵa jetkizildi.

— Mundaı oqys oqıǵa Avstralııada sırek kezdesedi. 1996 jyly Port-Artýrda er adam 35 adamdy atyp óltirgennen keıin elde qarý-jaraqqa tyıym salynǵan, — delingen aqparatta.

Aıta keteıik, buǵan deıin Avstralııada tikushaq qonaqúıdiń shatyryna soǵylyp, ushqysh mert boldy.