Everesti baǵyndyrǵan qazaqstandyq alpınısterge páter berildi
ALMATY. KAZINFORM – Ǵalamshardyń eń bıik shyńy Everest shyńyna (8 848 m) shyqqan qazaqstandyq alpınıster Maqsut Jumaev, Anar Býrasheva jáne Álmir Qymbatbaıulyna páter sertıfıkattary tabys etildi.
Búgin ekspedıtsııa qatysýshylary – Everestke shyqqan tarıhtaǵy tuńǵysh qazaq qyzy Anar Býrasheva men onyń jetekshisi, ǵalamshardaǵy 14 segiz myńdyqtyń barlyǵyn baǵyndyrǵan aty ańyzǵa aınalǵan qazaq alpınısi Maqsut Jumaev jáne Álmir Qymbatbaıuly baspasóz máslıhatyn ótkizdi.
Іs-shara barasynda qazaqstandyq iri qurylys kompanııasy úsh alpınıstke Almatydan eki bólmeli páterdiń sertıfıkatyn tabys etti.
Eske salaıyq, Everestti baǵyndyrǵan alpınıster elge 20 mamyrda oralǵan bolatyn.
Buǵan deıin qazaq qyzy tuńǵysh ret Everest shyńyna shyqqany týraly jazǵan bolatynbyz.
Aıta keteıik, ekspedıtsııanyń maqsaty – Qazaqstannyń memlekettik týyn álemniń eń bıik shyńynda kóterý boldy.
