Evbeıa aralyndaǵy surapyl órt: Grekter Eýroodaqtan kómek surady
NUR-SULTAN. QazAqparat – Grekııa Evbeı aralyndaǵy surapyl orman órtin sóndirýge Eýropa odaǵynan kómek suraýǵa májbúr boldy, dep habarlaıdy QazAqparat euronews.com-ǵa silteme jasap.
Seısenbige qaraǵan túnde tutanǵan órtti 40 gradýstan túspeı turǵan aptap ystyq pen kúshti jel shartarapqa taratyp jatyr. Jergilikti qoryqty kúlge aınaldyrǵan jalyn eldi mekenderge taıap keledi.
Órtti sóndirýge 200-den astam adam jáne 67 mashına tartylǵan. Budan tys, bes tikushaq pen alty ushaq sý tasyp júr. Soǵan qaramastan, tilsiz jaýdy aýyzdyqtaýdyń amaly bolmaı tur.
«Myńdaǵan gektar orman birneshe saǵattyń ishinde kúlge aınaldy», - dep habarlady Euronews tilshisi ıAnnıs ıAgınıs.
Kók tútinge tunshyqqan aralda avtojoldar jabylǵan.
