Evakýatsııa oshaǵyna aınalǵan jataqhana stýdentteri qashyqtan oqýǵa jiberilýi múmkin
ASTANA. KAZINFORM – Ǵylym jáne joǵary bilim vıtse-mınıstri Talǵat Eshenqulov evakýatsııa oshaǵyna aınalǵan jataqhana stýdentteri qashyqtan oqýǵa jiberilýi múmkin ekenin málim etti.
«Tabıǵı apat bolǵan jaǵdaıda joǵary oqý oryndary stýdentterdi qashyqtyqtan oqýǵa jibere alady.
Qazir zalal kelgen úılerdi qalpyna keltirý jáne jańa qurylys jumystary aıaqtalǵanǵa deıin zardap shekken turǵyndardy jataqhanalarda qaldyrý úshin ondaǵy stýdentterdi qashyqtyqtan oqytýǵa jiberý máselesi qaralýda» - dedi ol.
Qazir tasqyn qursaýyndaǵy óńirlerdiń ishinde bir ǵana ýnıversıtet stýdentterin qashyqtan oqytyp jatyr.
«Búginde H.Dosmuhametov atyndaǵy joǵary oqý ornynyń stýdentteri onlaın rejımge aýysqan, qalǵandary oqý protsesin shtattyq rejımde jalǵastyrýda.
Jan-jaqty pysyqtalǵannan soń qalǵan joǵary oqý oryndary stýdentterin qashyqtyqtan oqytýǵa aýystyrý boıynsha tıisti sheshim qabyldanady», - dedi vıtse-mınıstr.
