Evakýatsııa bastalǵaly Taıaý Shyǵystan elge 7300 adam jetkizildi – QR SІM
ASTANA. KAZINFORM -Qazaqstan Respýblıkasy Syrtqy ister mınıstrligi quzyrly memlekettik organdarmen birlesip, Taıaý Shyǵystan azamattarymyzdy qaıtarý jumystaryn jalǵastyryp jatyr.
Evakýatsııa bastalǵaly beri rezıdent jáne rezıdent emes áýe kompanııalarynyń qoldaýymen 7300-den astam qazaqstandyq elge qaıtaryldy.
Áýe reısterinen bólek, azamattardy evakýatsııalaý Ázerbaıjan, Armenııa jáne Túrikmenstannyń qurlyqtaǵy memlekettik shekaralary arqyly da júzege asyrylyp jatyr.
Óńirdegi Qazaqstannyń dıplomatııalyq ókildikteri jergilikti jerde is-qımyldardy úılestirý jumystaryn jalǵastyryp, otandastarymyzben turaqty baılanysta.
Osyǵan deıin naýryzdyń 7-nen 8-ne qaraǵan túni Taıaý Shyǵystan elge 1 786 jolaýshy jetkizilgeni týraly habarladyq.
