Evakýatsııalanǵan balalarmen kezdesý úshin Abaı oblysyna baramyn - jańa taǵaıyndalǵan balalar ombýdsmeni
«Búgin Memleket basshysy meni Qazaqstan Respýblıkasyndaǵy Bala quqyqtary jónindegi ýákil laýazymyna taǵaıyndady.
Qasym-Jomart Kemelulynyń maǵan artqan senimi úlken jaýapkershilik dep bilemin.
Bul - balalyq shaqty qorǵaý, otbasylardy qoldaý salasyndaǵy jaǵdaıdy jaqsartýǵa taptyrmas múmkindik. Buǵan bar kúsh-jigerimdi salamyn.
Qazir jekeme suraqtar men usynystar kelýde. Usynystaryńyzdyń barlyǵyn da qarastyramyn dep ýáde beremin. Árdaıym ashyqpyn. Osy jerge jeke telefon nomerimdi qaldyramyn. (tel: 8 705 884 70 40) Ótinish, habarlamany jazba túrinde tek ýatsapqa qaldyrsańyzdar. Mindetti túrde jaýap beremin»,-dedi Bala quqyqtary jónindegi ýákil.
Sondaı-aq ol sózinde búgin evakýatsııalanǵan balalarmen kezdesý úshin Abaı oblysyna jol júretinin jetkizdi.
«Barshańyzǵa málim, Memleket basshysy órtten zardap shekken otbasylarǵa járdemaqy taǵaıyndaý, balalardy oqytý máselesi boıynsha arnaıy tapsyrma bergen bolatyn.
Búgin órt kezinde qaza tapqan orman sharýashylyǵy qyzmetkerleriniń balalarymen jáne evakýatsııalyq pýnktterdegi balalarmen kezdesý úshin Abaı oblysyna baramyn.
Bala barshamyzǵa ortaq. Bala-baqytymyz. Balanyń quqyǵyn qorǵaý árqaısymyzdyń mindetimiz.
Árbir bala ata-anasynyń búgingi jaǵdaıyna qaramastan baqytty bolýǵa laıyqty. Meniń jumystaǵy basty ustanymym osy»,-dep jazdy ol.
Dınara Zákıeva QR Bala quqyqtary jónindegi ýákil laýazymyna taǵaıyndaldy
