Eva Korysheva: Qazaqstan chempıonatynyń alǵashqy jartylaı fınalyna shyqqanyma qýanyshtymyn

ASTANA.KAZINFORM — El birinshiliginde áıelder men erler arasynda jartylaı fınalǵa shyqqandar anyqtaldy.

Erler arasyndaǵy týrnırde ótken jylǵy jazǵy respýblıka birinshiliginiń jeńimpazy Grıgorıı Lomakın shırek fınalda Taıyr Qaıretdınovty 6:3, 6:1 esebimen senimdi túrde jeńse, endi jartylaı fınalda Danııar Qaldybekovty 7:6, 6:5 esebimen jeńgen Artem Sıdorovpen kezdesedi.

Nıkıta Nıkolenko men Rýstam Sarmanov ekinshi jartylaı fınaldyq jupta óner kórsetedi. Nıkıta Kırıll Kolganovty (jaraqat) aıqassyz utsa, Rýstam Erasyl Erdildáni 1:6, 7:6 (7:5), 6:2 esebimen utty.

Qyzdar jaǵynda erekshe jaǵdaı bolǵan joq. Arýjan Saǵandyqova shırek fınalda Sofııa Malyshevany utty — 6:3, 6:0. Jartylaı fınalda Anastasııa Krymkovany 6:4, 6:4 esebimen utqan Іńkár Dúseıbaımen kezdesedi. Qazaqstan astanasynyń eki ókili — Albına Kákenova men Arıana Gogýlına arasyndaǵy kezdesýde jeńis Albınaǵa buıyrdy. Ol fınalǵa shyǵý úshin Sátıma Tóregendi 6:4, 6:3 esebimen utqan 15 jastaǵy Eva Koryshevaǵa qarsy shyǵady.

— Eresekter arasyndaǵy el chempıonatynda alǵashqy jartylaı fınalǵa shyqqanyma óte qýanyshtymyn. Sátımamen kezdesý tartysty ótti, men agressıvti oınaýǵa tyrystym jáne taktıka kútken nátıjeni ákeldi. Meniń oıymsha, Albınaǵa qarsy jartylaı fınaldyq oıyn da shıelenisti ótedi, óıtkeni fınalǵa joldama bar, — dep atap ótti Eva Korysheva.

Buǵan deıin habarlanǵandaı, Elena Rybakına WTA 1000 týrnıriniń shırek fınalyna shyqty.