EUÝ -TMD elderi ishinde QS TOP 50 UNDER 50 álemdik reıtıngine kirgen jalǵyz oqý orny
ASTANA. QazAqparat - L.N.Gýmılev atyndaǵy Eýrazııa ulttyq ýnıversıteti Qazaqstan men TMD elderi arasynda tuńǵysh ret qurylǵanyna jarty ǵasyrdan aspaǵan, álemniń 50 úzdik ýnıversıtetteri qataryna endi.
Jaqynda málimdelgen 2016 jyl ishindegi QS 50 under 50 halyqaralyq bedeldi reıtıng agenttigi nátıjesiniń qorytyndysy osyndaı. Jalpy reıtıngke álemniń 100 ýnıversıteti qatysqan, dep habarlaıdy atalmysh JOO baspasóz qyzmeti.
QS 50 under 50 reıtınginde 37 oryndy ıelený - bul qurylǵanyna nebári jıyrma jyl ǵana tolǵan elimizdiń eń jas ulttyq joǵary oqý ornynyń úlken jetistigi.
Ýnıversıtet bul beleske zamanaýı júıege negizdelgen oqý júıesi, ǵylymı zertteýleri men ınnovatsııalyq jobalary jáne óndiris oryndarymen jolǵa qoıylǵan yntymaqtastyǵy arqyly qol jetkizip otyr.
Joǵary oqý orny elimizdegi ındýstrıaldy-ınnovatsııalyq damý baǵdarlamasy úshin "Qurylys materıaldary, ónimderi men konstrýktsııalardy óńdeý», «Ǵaryshtyq tehnıka jáne tehnologııalar», «Bıotehnologııa», «Radıotehnıka, elektronıka jáne telekommýnıkatsııa», «Jylý energetıkasy» sııaqty 5 mamandyq boıynsha magıstranttar daıyndaýdy sátti júzege asyrýda.
Ǵylymı-zertteý jumystary ıadrolyq, ǵaryshtyq, nanotehnologııalyq, bıotehnologııalyq, matematıkalyq modeldeý men aqparattyq tehnologııalar máseleleri boıynsha jan-jaqty júrgizilip keledi. Ýnıversıtet ǵalymdarynyń Thomson Reuters pen Scopus bıblıometrııalyq bazalyq málimettermen ındekstelgen reıtıngti basylymdarda jarııalanymdary da qarqyndy ósip otyr.
Ýnıversıtet shyǵaratyn "Eurasian Mathematical Journal" ǵylymı jýrnaly Scopus halyqaralyq bıblıometrııalyq bazalyq málimetke kiredi.
EUÝ ǵalymdary men stýdentteri "Astana EXPO-2017" halyqaralyq kórmesiniń ǵylymı-zertteý jumystaryna belsendi qatysýda. Qazir klımat ózgerýin eskere otyryp, Qazaqstan landshaftarynyń ónimdiligi men kóleminiń ekologııalyq baǵasy; jasyl qurylystyń ekologııalyq máseleleri; jylý qamtamasyz etý júıelerine energııa únemdeýshi jylý sorǵylaryn qoldaný taqyryptary boıynsha usynylǵan jobalarǵa kásiporyndar qyzyǵýshylyq tanytyp otyr.
Sondaı-aq ýnıversıtette Aǵylshyn, qytaı, túrik tilderin meńgergen gıdter men ekskýrsovodtardy daıyndaý ortalyǵy uıymdastyrylǵan. "Astana EXPO-2017"-ge úsh myńnan astam stýdent-volonterler qatyspaq.
L.N.Gýmılev atyndaǵy EUÝ aldaǵy ýaqytta ǵylymı-zertteý habyna aınalyp, joǵary bilim berýdiń barlyq júıesi boıynsha akademııalyq kóshbasshylyq orynyn nyǵaıta túspek.
