EUÝ stýdentteri «Bı aýmaǵynda» mıllıon utyp aldy
ASTANA. 21 naýryz. QazAqparat - L. N. Gýmılev atyndaǵy Eýrazııalyq ulttyq ýnıversıtetiniń bı ujymy «Samruk Dance Crew» baıqaýynda 1 mıllıon teńge utyp aldy.
Elorda stýdentteri jastar arasyndaǵy «Bı aýmaǵy» baıqaýynda birinshi oryndy enshilep, 1 mıllıon teńge utyp aldy.
Іs-sharany Astana qalasynyń jastar saıasaty máseleleri jónindegi basqarmasy Salaýatty ómir saltyn qalyptastyrý ortalyǵymen jáne «Nur Otan» HDP «Jas Otan» jastar qanatymen birlese otyryp, Naýryz meıramyna arnap uıymdastyrdy.
Baıqaýdyń maqsaty - talantty jastardy anyqtaý jáne yntalandyrý, salaýatty ómir saltyn nasıhattaý ári jastar arasynda bı mádenıetine qyzyǵýshylyqty damytý, jastar bı komandalarynyń arasynda óńirlik baılanystardy nyǵaıtýǵa yqpal jasaý.
«Bı aýmaǵy» jobasy - bul barlyq bıge qumar jastardy óz aıasyna baýrap alatyn birtutas qozǵalys. Baıqaý tapsyrmalarynyń alýan túrliligi (úsh mınýttyq qoıylymnan beıneklıpterge deıin) komandalardyń únemi damýyna jáne jetilýine shabyt beredi.
Baıqaýǵa Qaraǵandy, Astana, Qostanaı jáne Jezqazǵan qalalarynan 100-den astam ujym qatysty.
Ekinshi júldeli oryndy elordalyq Nazarbaev Ýnıversıtetiniń «NU Dance Crew» ujymy jáne Qostanaıdyń «Inter Dance» bı ansambli alǵandyǵyn, al úshinshi orynǵa «Dance PROject» elordalyq komandasy ıe bolǵandyǵyn atap ótken jón.
Baıqaýdyń qazylar alqasy quramynda Marat Omarov, ıAroslav Melehın jáne basqa kóptegen qazaq sahnasynyń tanymal juldyzdary boldy.
