EUÝ rektory Halyqaralyq túrki akademııasynyń altyn medalimen marapattaldy

NUR-SULTAN. QazAqparat – Qazaqstan Ulttyq tarıhshylar kongresiniń VIII otyrysynda Altyn Orda memleketiniń 750 jyldyǵy mereıtoıy aıasynda Halyqaralyq túrki akademııasy ázirlegen kitaptardyń tusaýkeser rásimi boldy, dep habarlaıdy QazAqparat tilshisi.

«Halyqaralyq Túrki akademııasy ázirlegen kitaptardyń tusaýkeser rásiminen buryn bir mıssııany oryndaýaǵ ruqsat etińizder. Taıaýda halqymyzdyń uly oıshyly – Abaı jylynyń jabylý rásimi Semeı qalasynda ótti. Іs-sharada Memleket basshysy osy jyldyń eń úlken jetistikteriniń biri – Abaı akademııasynyń ashylýyn aıryqsha atap ótken bolatyn. Taıaýda ǵana Abaı akademııasy shyǵarǵan keremet kitaptardyń tanystyrylymy ótti. Sondaı ıgi sharalarǵa uıytqy bolyp júrgen, abaıtanýǵa tarıhshy retinde úlken úles qosqan Erlan Battashulyna erekshe alǵys aıtamyz. Biz, Halyqaralyq túrki akademııasy bıyl Baký qalasynda ótken bilim mınıstrleriniń jıynyn da «Abaı jyly» dep ataǵan bolatynbyz. Qańtar aıynda Bakýde ótken úlken jıyndy biz osy L.Gýmılev atyndaǵy Eýrazııa ulttyq ýnıversıtetimen birge ótkizdik. Qoldaýyńyz úshin taǵy alǵys aıtamyz. Akademııa ótkizgen halyqaralyq jıyndarǵa ýnıversıtet belsendi atsalysty», - dedi Halyqaralyq túrki akademııasy jáne «Egemen Qazaqstan» gazetiniń basqarma tóraǵasy, memlekettik jáne qoǵam qaıratkeri Darhan Qydyráli.

Ol L.Gýmılev atyndaǵy Eýrazııa ulttyq ýnıversıtetiniń rektory, akademık Erlan Sydyqovty Halyqaralyq túrki akademııasynyń altyn medalimen marapattaýdy jón dep tapqanyn aıtty.

«Bul marapatty ıÝNESKO-nyń bas shtaby – Parıjde ǵana tapsyratynbyz. Bıyl pandemııaǵa baılanysty ıÝNESKO-ǵa bara almadyq. Altyn medaldi tapsyrýdyń oraıy búgin kelip tur eken, sondyqtan sizderdiń aldaryńyzda, osy úlken sharanyń bastaýynda marapatty tapsyrǵymyz kelip otyr», - deıdi ol.