EUÝ professory: Alash partııasynyń baǵdarlamasy men QR Konstıtýtsııasy sabaqtas
«Bizdiń memleketimizdiń basty ustanymdarynyń biri - turaqty damý. Tsıfrly Qazaqstan baǵdarlamasyna, kreatıvti jastardyń múmkindikterine birshama múmkindik berilip jatyr. Degenmen, osy rette bir máseleni aıta ketý kerek: Prezıdent ınstıtýty týraly aıtqan kezde esimizge AQSh nemese Batystyń ozyq elderi túsedi. Biraq, bizdiń bolashaq Qazaq eliniń damýy, ıdeologııasyn nyǵaıtý baǵytynda ózimizdiń Ult zııalylarynyń quqyqtyq ıdeıalaryna mán berýimiz kerek», - deıdi Jamaladen Ibragımov
Professordyń aıtýyna qaraǵanda, jalpy qazaq qoǵamynda, qazaq jerinde Prezıdent ınstıtýty týraly eń alǵash Alash zııalylary aıtyp ketken.
«Alash zııalarynyń alǵash jasaǵan partııalyq baǵdarlamasynyń birinshi pýnktinde osy baǵyt bekitilgen. Tuńǵysh Prezıdent - Elbasy Nursultan Nazarbaevtyń ózi kezinde memlekettiń konstıtýtsıonalızmniń damýyna baǵa bergen kezde mynadaı pikir bildiredi: «Qazaqstannyń 1937-1977 jylǵy Konstıtýtsııalarynyń mánine qaraǵanda, 1917 jyly Alash zııalylary qabyldaǵan baǵdarlamasynyń konstıtýtsıonalıstik maǵynasy óte joǵary» deıdi. Elbasynyń ózi osyndaı baǵa bergennen keıin Prezıdent ınstıtýty týraly sóz qozǵaǵan kezde biz eń aldymen Alash baǵdarlamasynda ustanymdy aıtýymyzǵa bolady», - deıdi professor.
Jámáleddın Ibragımov 1917 jylǵy baǵdarlamada «Prezıdent memleketti halyq aldynda, Memlekettik dýma aldynda esep beretin, belgili bir merzimge saılanatyn Prezıdent basqarý kerek» delingen.
«Osy baǵdarlamalyq ıdeıalarǵa qarap otyrsaq, búgingi tańda aıtylyp otyrǵan memleketimizdiń damýynyń negizgi ıdeıalary kezdesip otyrady. Óte bir qyzyqty da keremet sabaqtastyq. Onyń biri, Alash baǵdarlamasynda mysaly zań shyǵarýmen tek Memlekettik dýma aınalysý kerek deıdi. Biz biletindeı, 2017 jyly 10 naýryzda bizdiń memleketimizdiń Konstıtýtsııasyna ózgerister men tolyqtyrýlar engizilip, sodan keıin Konstıtýtsııada Parlament - zań shyǵarýshy organ dep naqty aıtylǵan bolatyn. Odan keıin qazir qoǵamda tyǵyz talqylanyp jatqan ıdeıalardyń biri - úsh tildilikke baılanysty. Búgingi tańda Prezıdent Qasym-Jomart Kemelulynyń aıtqandaı, óskeleń urpaq eń aldymen óziniń tilin - memlekettik tilin meńgerip alý kerek. Sodan keıin halyqaralyq arenadaǵa tilderdi bilýi tıis. Osy másele boıynsha da, Alash zııalylary bala «eń aldymen ana tilinde bilim alýy kerek» dep aıtyp ketken», - deıdi Jámáleddın Ibragımov.
Professor atap ótkendeı, osydan bir ǵasyr buryn qabyldanǵan Alash baǵdarlamasynyń jobasynda - búgingi tańdaǵy konstıtýtsııalyq ıdeıalardyń, prıntsıpterdiń bolýy bolashaq azamattardyń sanasynda turaqty ornaýy kerek.
«Árıne, Prezıdent ınstıtýty - bizdiń memlekettiń saıası-quqyqtyq júıesiniń turaqty dińgekteriniń biri. Ol ınstıtýttyń bizdiń qoǵamǵa, bizdiń saıası-quqyqtyq júıege engizilýi - ońaı jolmen ótken joq», - deıdi professor.
Foto: www.enu.kz
