EUÝ-de kórnekti matematık M.Ótelbaevtyń mereıtoıy qurmetine halyqaralyq konferentsııa ótýde

Sonaý 1965 jyly 22 jastaǵy balań jigit Muhtarbaı Ótelbaev armııadan keıin MMÝ-dyń mehanıka-matematıka fakýltetine oqýǵa túsken kezde óziniń álem tanyǵan ǵalym bolaryn sezdi me?

Árıne, joq. Ol da ózin joǵary oqý oryndarynda oqyp jatqan jáne ony bitiretin túlekter sııaqty sanady. Alaıda ol óziniń jarqyn qabiletterimen oqytýshylarynyń nazaryn aýdardy. «Mehmatty» bitirip, 1972 jyly professorlar Borıs Levıtan men Anatolıı Kostıýchenkonyń basshylyǵymen kandıdattyq dıssertatsııasyn qorǵady. Alty jyldan keıin álemdik deńgeıdegi matematık, KSRO ǴA akademıgi Andreı Kolmogorovtyń tóraǵalyǵymen doktorlyq dıssertatsııasyn qorǵap shyqty.

«Sóıtip, ǵylym Muhtarbaı Ótelbaevtyń búkil ómiriniń mánine aınaldy», dep atap ótedi RǴA múshe-korrespondenti, fızıka-matematıka ǵylymdarynyń doktory Oleg Besov pen fızıka-matematıka ǵylymdarynyń doktory, Máskeýdegi Halyqtar dostyǵy ýnıversıtetiniń professory Gennadıı Kalıabın.  

Búginde Qazaqstan Respýblıkasy Ulttyq ǵylym akademııasynyń tolyq múshesi, fýnktsıonaldyq taldaý jáne olardyń qosymshalary salasyndaǵy maman, 3 monografııanyń jáne 200-den astam biregeı ǵylymı jumystar men ónertabystardyń avtory, esimin elde ǵana emes álem tanyǵan, halyqaralyq reıtıngilik ǵylymı jýrnaldarda jarııalanǵan 70-ten astam eńbektiń avtory L.N.Gýmılev atyndaǵy Eýrazııa ulttyq ýnıversıtetiniń irgeli jáne qoldanbaly matematıka kafedrasynyń professory, EUÝ janyndaǵy Eýrazııa matematıkalyq  ınstıtýtynyń dırektory, M.V.Lomonosov atyndaǵy Máskeý memlekettik ýnıversıtetiniń Qazaqstandyq fılıaly dırektorynyń orynbasary, fızıka-matematıka ǵylymdarynyń doktory Muhtarbaı Ótelbaev óziniń 70 jasqa tolǵan mereıtoıyn atap ótýde.   

Budan 35 jyl buryn professor Petr Lızorkın birneshe jas ǵalymdarmen birlesken jumysy barysynda onyń ónertapqyshtyǵyn jáne kúrdeli mindetterdi sheshýde oılamaǵan jerden jaryp shyǵatyn shalymdylyǵyn atap kórsetken edi. Tanymal ǵalymdar Alekseı Dezın, Anatolıı Kostıýchenko jáne Lev Kýdrıavtsev, sondaı-aq orys matematıkasynyń patrıarhy, akademık Sergeı Nıkolskıı sııaqty aýzy dýaly ǵylym qaıratkerleri de osyndaı joǵary baǵa berdi.

70-jyldardyń sońynda jáne 80-jyldardyń basynda professor Ótelbaev ártúrli qalalarda ótip júrgen jyl saıynǵy operatorlar teorııasy jónindegi mektepterdiń (Novosibir, Mınsk, Kıev, Bıýrokan, Almaty, ıÝrmala) jáne basqa da kóptegen konferentsııalardyń basty baıandamashylarynyń biri boldy.