EUÝ-de hımııa, ekologııa, geografııa, bıologııa pánderi boıynsha praktıkým ótedi
ASTANA. 8 qańtar. QazAqparat - Ústimizdegi jylǵy 10-15 qańtar aralyǵynda EUÝ-de hımııa, ekologııa, geografııa, bıologııa pánderi boıynsha qysqy mektep /praktıkým/ ótedi, dep habarlaıdy ýnıversıtettiń baspasóz qyzmeti.
Mekteptiń formaty: ýnıversıtettiń Jaratylystaný ǵylymdary fakýltetiniń zerthanalarynda dáris oqylady jáne praktıkalyq sabaqtar ótedi. Osy shara aıasynda stýdenttik semınar da bolady. Teorııalyq sabaqtar men tájirıbe jumystaryn júrgizý úshin ýnıversıtettiń kafedralary men ǵylymı zertteý ınstıtýttarynda jumys isteıtin eń myqty ǵalymdar tańdalǵan.
Mektep jumysyna 10-11 synyptarda oqıtyn Astana qalasynyń oqýshylary men 1-4 kýrs oqıtyn stýdent, magıstrant, doktoranttar qatysa alady.
