EUÝ-da Jýrnalıstıka jáne saıasattaný fakýlteti ashylady
ASTANA. Mamyrdyń 11-i. QazAqparat /Arman Asqarov/ - Lev Gýmılev atyndaǵy Eýrazııa ulttyq ýnıversıtetinde Jýrnalıstıka jáne saıasattaný fakýlteti ashylady. Joǵary oqý ornynyń Ǵylymı keńesi osyndaı sheshim qabyldady,
dep habarlaıdy QazAqparat.
Jaqynda ýnıversıtet rektory Baqytjan Ábdiraıymnyń tóraǵalyǵymen ótken Ǵylymı keńestiń otyrysynda Jýrnalıstıka jáne saıasattaný fakýltetin ashý jónindegi usynys qaralǵan bolatyn. Otyrysqa qatysqan barlyq ǵalymdar Jýrnalıstıka máselelerin zertteý ınstıtýtynyń dırektory Namazaly Omashevtyń jańa fakýltetti ashý jáne oǵan saıasattaný kafedrasyn qosý jónindegi bastamasyn biraýyzdan qoldady. Osyǵan oraı Eýrazııa ulttyq ýnıversıtetiniń Ǵylymı keńesi Jýrnalıstıka jáne saıasattaný fakýltetin ashý týraly qaýly qabyldady.
Aıta keteıik, jańa fakýltettiń tanystyrylymyn Jýrnalıster kúnine oraı ótkizý josparlanǵan.
