EUÝ-da «Ǵylym týraly» zańnyń jobasy talqylanýda
ASTANA. Mamyrdyń 27-si. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde ótip jatqan «dóńgelek ústel» otarysynda «Ǵylym týraly» QR zańynyń jobasy talqylanýda,
dep habarlaıdy QazAqparat.
«Nur Otan» HDP Quqyqtyq keńesiniń tóraǵasy, depýtat Nurlan Ábdirovtyń aıtýynsha, búginde «Ǵylym týraly» zańnyń jobasy zııaly qaýym arasynda qyzý talqyǵa túsip otyr. «Sondyqtan «Nur Otan» partııasy áý bastan bul qujatty qoǵamdyq saraptaýdan ótkizýge kiristi. Zań jobasyna engiziletin ózgerister men tolyqtyrýlar otandyq ǵylymdy qarjylandyrýǵa, onyń ekonomıkalyq belsendiligin kóterýge, ǵalymnyń mártebesine, sondaı-aq elimizdegi ǵylymdy uıymdastyrý jumysyna baılanysty bolmaq», - deıdi N,Ábdirov.
Elbasy Nursultan Nazarbaevtyń «ǵylym ınnovatsııalyq ekonomıkanyń negizi bolýy tıis» degen sózin keltirgen N.Ábdirov: «Osynyń negizge ala otyryp, búgin biz «Ǵylym týraly» zańnyń jobasyn talqylaýǵa arnalǵan jıynǵa Indýstrııa jáne jańa tehnologııalar mınıstrliginiń ókilderin shaqyryp otyrmyz», - dedi ol.
