EUÝ alǵash ret álemniń úzdik 300 ýnıversıtetiniń qataryna kirdi
Ulybrıtanııalyq Quacquarelli Symonds halyqaralyq agenttigi úzdik joǵary oqý oryndarynyń jyl saıynǵy halyqaralyq reıtıngisiniń nátıjelerin jarııalady.
L. N. Gýmılev atyndaǵy EUÝ QS joǵary oqý oryndarynyń álemdik reıtıngisinde taǵy bir ret qarqyndy ilgeriledi. Ýnıversıtet bir jylda 328-shi orynnan 277-shi orynǵa kóterilip, alǵash ret álemniń úzdik 300 joǵary oqý oryndarynyń qataryna endi.
Sońǵy 4 jylda EUÝ halyqaralyq reıtıngte 141 satyǵa kóterilip, senimdi ósýdi kórsetti. Ulttyq ýnıversıtet 2025 jylǵa qaraı Damý strategııasyna sáıkes QS reıtınginiń top-200 qataryna kirýge nıetti.
Ýnıversıtet «Sheteldik professorlyq-oqytýshylyq quram», «Jumys berýshiler arasyndaǵy bedel» jáne «Akademııalyq sarapshylar arasyndaǵy bedel» krıterııleri boıynsha óziniń pozıtsııasyn eleýli nyǵaıtty. Bul rette ýnıversıtettiń «Bilim alýshylar men professorlyq-oqytýshylyq quramnyń ara qatynasy» jáne «Sheteldik professorlyq-oqytýshylyq quram» ındıkatorlary boıynsha kórsetkishteri álem boıynsha joǵary oqý oryndarynyń ortasha nátıjesinen aıtarlyqtaı asyp tústi.
Bıyl halyqaralyq reıtıngke qatysqan joǵary oqý oryndarynyń qatary 47%-ǵa artty. Álemniń 100 memleketinen 2 462 ýnıversıtet qarastyrylyp, onyń 1422 qorytyndy reıtıngke kirdi. Álemniń úzdik JOO arasynda Qazaqstannyń 16 ýnıversıteti bar, olardyń ekeýi tizimge alǵash ret endi.
QS reıtınginiń kóshbasshylarynyń ondyǵyna Massachýsets tehnologııalyq ınstıtýty, Kembrıdj Ýnıversıteti, Stenford ýnıversıteti, Oksford Ýnıversıteti, Garvard ýnıversıteti jáne t.b. sııaqty álemdik ýnıversıtetter kirdi.
Ýnıversıtetterdi halyqaralyq deńgeıde baǵalaý ádistemesi mynadaı ındıkatorlar boıynsha júzege asyrylady: akademııalyq sarapshylar arasyndaǵy bedel, jumys berýshiler arasyndaǵy bedel, bilim alýshylardyń professorlyq-oqytýshylyq quramǵa araqatynasy, dáıeksóz keltirý, sheteldik bilim alýshylar, jumysqa ornalasý nátıjeleri. Sondaı-aq, bıyl «Jumyspen qamtý nátıjeleri» jáne «Halyqaralyq zertteý yntymaqtastyǵy» atty eki jańa ındıkator qosyldy.
Atap ótken jón, bıyl Eýrazııa ulttyq ýnıversıteti QS World University Rankings by Subject 2022 pándik reıtıngisindegi de óz pozıtsııasyn jaqsartty. EUÝ álemdik tizimdegi ókildigin 4-ten 11-ge deıin keńeıtti jáne qazaqstandyq JOO arasynda 3 pán boıynsha kósh bastap keledi. Bul rette «Qonaq úı bıznesi jáne bos ýaqytty basqarý» páni álemdik reıtıngtiń alǵashqy júzdigine kirdi, «Lıngvıstıka» 251-300 tobynan 101-150-ge tizimine aýysty.
