Eurowings ushqyshy 90 jolaýshyny nege «umytyp» ketkenin túsindirdi
ASTANA. QazAqparat - Eurowings kompanııasy ushaǵynyń ushqyshy Dıýsseldorf áýejaıynan bortqa 90 jolaýshysyn otyrǵyzýdy umytyp, ushyp ketken. Ol qalada túngi ushýlarǵa salynǵan tyıym kúshine engenge deıin áýe kemesin ushyrýǵa asyqty, dep habarlady avıajelisiniń ókili, dep jazdy RIA Novostı.
Budan buryn Eurowings kompanııasynyń ushaǵy Dıýsseldorf áýejaıynan bortqa 90 jolaýshysyn otyrǵyzýdy umytyp, ushyp ketkeni jaıly habarlanǵan bolatyn. Ushaqqa jolaýshylardy 2 avtobýspen jetkizý kerek bolǵan. Birinshi avtobýstaǵy 40-taı jolaýshy bortqa minip úlgergen. Alaıda ekinshi avtobýsta bolǵan 90 jolaýshy ushaqqa minbegen.
"Ol (ushqysh - red.) Drezdenge jolaýshylardyń bir bóligin jetkizý úshin kelisim boıynsha erterek ushty", - degen Eurowings ókiliniń sózderin Rheinische Post basylymy keltirdi. Avıajelisiniń ózge ókiliniń aıtýynsha, saǵat 21.49-da ushýǵa daıyn bolmaǵan ushaqtarǵa áýege kóterilýge tyıym salynǵan.
Basylym derekterine sáıkes, borttyń ushýy eki saǵatqa keshikken. Ol jergilikti ýaqytpen saǵat 19.05-te ushyrylady dep josparlanǵan bolatyn.
