Eurovision-2018 baıqaýynda Izraıl ánshisi jeńimpaz atandy
LISSABON. QazAqparat - Toy («Oıynshyq») ánin shyrqaǵan Izraıl ókili Netta (Netta Barzılaı) 63-shi halyqaralyq Eurovision án baıqaýynyń jeńimpazy atandy. Baıqaý nátıjesi senbiden jeksenbige qaraǵan túni Lıssabondaǵy Altice arenasynda belgili boldy, dep habarlaıdy TASS agenttigi
«Eurovision-2018 jeńimpazy Izraıl atandy», - dep jarııa etti keshtiń júrgizýshileri.
Ekinshi orynda Fuego («Jalyn») ánin shyrqaǵan Kıpr ókili Elenı Fýreıra, al úshinshi orynda Nobody But You («Senen basqa eshkim emes») kompozıtsııasymen aýstrııalyq Sezar Sempson.
25 jastaǵy Netta Barzılaı Eýrovıjn baıqaýyna Izraıldegi mýzykalyq realtı-shoýdaǵy jeńisinen keıin joldama alǵan. Ánshi Izraıldiń áskerı orkestriniń sapynda, Jas mýzykanttar lageriniń nusqaýshysy bolyp qyzmet etedi. Netta 2016 jyly The Experiment ansamblin qurǵandardyń biri.
Sońǵy Toy («Oıynshyq») ánin Netta eń tabysty ızraıldik sazger Tel-Avıv ánurany Tel Aviv Ya Habibi avtory Doron Medalımen birge jazǵan.
Eýrovıjn baıqaýynyń erejesine sáıkes kelesi baıqaý jeńimpazdyń elinde ótkiziledi. Eske sala ketsek, Eurovision-2018 8-12 mamyr aralyǵynda Portýgalııa astanasynda uıymdastyryldy.
Foto: © Vıacheslav Prokofev/TASS
