«Eýrovıdenıe-2017» halyqaralyq balalar baıqaýy Grýzııada ótedi
ASTANA. QazAqparat - «Eýrovıdenıe-2017» halyqaralyq balalar baıqaýy Grýzııada ótedi, dep jazady «Habar 24».
Osy eldiń 10 jastaǵy ánshisi Marıam Mamadashvılı ótken jylǵy baıqaýdyń jeńimpazy bolǵanyn eskere kele, Eýropa habar taratý odaǵy osyndaı sheshim qabyldady. Grýzııa bul baıqaýdyń úsh márte jeńimpazy atanǵanymen, buryn óz elinde mundaı aýqymdy sharany ótkizýge múmkindigi bolmaǵan edi. 14 jyldyń ishinde Grýzııa án baıqaýynda úsh ret jeńis tuǵyrynan kórindi.
2016 jyldyń aıaǵynda sońǵy jeńisti ákelgen Marıam Mamadashvılı grýzın halqynyń tóbesin kókke jetkizdi. Al bıyl Eýropa elderiniń jas ánshileri qatysatyn baıqaýdyń Grýzııada ótýi eldi erekshe qýantty.
