«Eýrovıdenıe-2014» ótpeı qalý sheginde
ASTANA. 6 qańtar. QazAqparat - Bıylǵy jylǵy mamyr aıynda Kopengagende ótýi tıis «Eýrovıdenıe-2014» mýzykalyq konkýrsy ótpeı qalý sheginde tur, dep habarlady Ýtro.rý.
Ártúrli sebeptermen bul saıysqa qatysýdan qazirdiń ózinde 12 el bas tartty. Ótken jyly shvedtiń Malma qalasynda sahnaǵa 39 eldiń ókilderi shyǵyp, olardyń 26-sy fınalda óner kórsetti.
Alǵashqy bolyp Horvatııa, Slovakııa, Lıýksembýrg jáne Andorra bas tartatynyn jarııalady. «Ýkraınskaıa pravda» gazetiniń jazýynsha, bul memleketter qarjylyq problemalaryn ilik qylýda. Sondaı-aq Serbııa, Kıpr, Bosnııa men Gertsegovına jáne Boluarııa da osyndaı sebeppen qatyspaıtynyn málimdedi. «Konkýrsqa ázirlik qunyn, sondaı-aq 2014 jyly bıýdjettiń qysqarýyn eskere otyryp, Bolgarııa óz qatysýshysyn usynbaıdy», - delingen ulttyq televızııa habarlamasynda.
Óz kezeginde, Chehııa «Eýrovıdenıege» qyzyǵýshylyq tómen bolýyn jeleý etti. Marokko, Monako jáne Túrkııa da «Eýrovıdenıe-2014» konkýrsyna qatyspaıtyn boldy, biraq bas tartý sebepterin túsindirgen joq.
Budan buryn Reseı onda avstrııalyq ánshi Konchıta Výrstynyń qatysýyna oraı mýzykalyq konkýrsty translıatsııa jasaýǵa tyıym salýǵa ótinish jasady. Reseılikter shyn aty-jóni Tomas Noıvırt esimdi bul qyzteke-ánshiniń biregeı sahnalyq obrazda saqal qoıyp, áıel kóılegin jáne týflıin kıip shyǵýyna qarsy.
Ótken jyly Danııadan Emmılı de Forest án konkýrsynyń jeńimpazy atandy. Al reseılik Dına Garıpova besinshi oryndy qanaǵat tutty.
Kelesi konkýrs Kopengagende ótetin bolǵan. Onyń ótetin kúni de belgilenip qoıǵan: «Eýrovıdenıe-2014» konkýrsynyń jartylaı fınaly 6 jáne 8 mamyrda, fınaly - 10 mamyrda ótpekshi.
«Eýrovıdenıe» konkýrsy alǵashqy ret 1956 jyly ótti, sodan beri jyl saıyn ótkizilip keledi.
