Eýrovıdenıe-2010-ǵa Reseı ókili tańdaldy
ASTANA. Naýryzdyń 8-i. QazAqparat -Osloda ótetin «Eýrovıdenıe-2010» konkýrsyna Reeıden «Petr Nalıchtiń mýzykalyq ujymy» qatysatyn boldy.
Ony reseılik ulttyq mýzykalyq konkýrstyń irikteý týrynda fınalǵan shyqqan 25 ónerpazdyń ishinen tańdady, dep habarlady Bı-Bı-Sı. Fınal jeksenbi kúni keshte «Reseı 1» telearnasynda tikeleı efırde kórsetildi. Kórermender telefon qońyraýy jáne SMS-habarlamalary arqyly kásibı qazylar alqasynyń qatysýmen tańdaý jasady.
29 jastaǵy Nalıchtiń mamandyǵy - sáýletshi. Ol kórermen qaýymǵa «Gıtar» ánimen 2007 jyldyń kókteminen beri tanys bola bastady. 2008 jyldyń basynda «Petr Nalıchtiń mýzykalyq ujymy» tobyn qurdy. Ol Máskeýden basqa, Sankt-Peterbor, Ekaterınbor, Nıjnıı Novgorod qalalarynda gastrolderde boldy, Eýropa-2008 fýtbol chemponatynda jáne Beıjińdegi Olımpıadada reseılik komandaǵa qoldaý kórsetti.
«Eýrovıdenıe-2010» konkýrsy mamyrdyń 25-29-y kúnderi Oslo mańyndaǵy Berým qalasynda Soltústik Eýropanyń iri jabyq stadıony - Telenor Arenada ótedi.
