Eýrotýnnel taǵy da tabysty bola bastady
ASTANA. 2 naýryz. QazAqparat - La-Mansh túbindegi temirjol týnneliniń operatory - Eurostar ótken jyldyń qorytyndysymen 11 mıllıon eýro kóleminde taza paıdaǵa shyqty, dep habarlady Bı-Bı-Sı.
2010 jyly Eurostar shyǵyndary 58 mıllıon dollardy quraǵan bolatyn.
2011 jyldy tabyspen aıaqtaýǵa kompanııaǵa jolaýshylar tasqynynyń rekordtyq 19 mıllıon adamǵa jetýi kómektesti. Eurostar bıylǵy jyly da jolaýshylar tasqyny Elızaveta ІІ patshaıymnyń «gaýhar» mereıtoıy men Londondaǵy Olımpıada oıyndary esebinen ulǵaıady degen úmitte. Kompanııa Oıyndar kezinde týnnelden ótýdi burynǵy 35 mınýttan jarty saǵatqa deıin uzartýǵa ýáde berdi. Jalpy alǵanda Parıjden Londonǵa Eýrotýnnel arqyly shamamen eki saǵatta jetýge bolady.
Ulybrıtanııany qurlyqtyq Eýropamen jalǵastyrǵan Eýrotýnnel 1994 jyly ashyldy. Onyń uzyndyǵy 51 shaqyrym shamasynda, onyń 39 shaqyrymy La-Mansh buǵazy túbimen ótedi.
