Eurostat: Eýropalyqtar jumyssyz qalyp jatyr
NUR-SULTAN. QazAqparat – Eýroaımaqta jumyssyzdyq deńgeıi aqpannan naýryzǵa deıin 7,3%-dan 7,4%-ǵa deıin ósken. Odaqtyń 27 memleketinde bul kórsetkish 6,6%-ǵa deıin artqan, dep habarlaıdy QazAqparat Euronews-ke silteme jasap.
Sońǵy eki aıda 373 myń nemis jumysynan aıyrylǵan. Buǵan koronavırýs pen Germanııadaǵy karantın sebepshy bolyp otyr. GFR-de jumyssyzdyq deńgeıi 5%-dan 5,8%-ǵa ósken. Bul degenimiz 2 mln 600 myń adam turaqty tabys kózinen aıyrylǵan.
Ispanııada osy kezeńde 120 myń azamat jumyssyz qalǵan. Olardyń jalpy sany 3 mln 300 myńǵa jetti.
Sarapshylar jaǵdaı budan da nashar bolýy múmkin dep otyr. Birqatar Eýropa elderiniń úkimeti jappaı jumyssyzdyqtyń aldyn alý úshin kompanııa qyzmetkerleriniń basym bóliginiń jalaqysyn tóleýge mindetteldi. Frantsııada 8 mln adam jumyssyzdyq úshin memleketten ótemaqy alyp jatyr.
«Úkimet olarǵa aıtarlyqtaı kómek kórsetip jatyr. Biraq, bul jaǵdaı uzaqqa sozylǵan saıyn, kóptegen adamdar osyndaı qıyndyqqa tap bolǵan saıyn jumyspen qamtýdyń kýmýlıatıvti protsesine ákelip soqtyrý yqtımaldyǵy joǵary. Jıyntyq suranystyń qysqarýy jumyssyzdyqtyń odan ári artýyna sebepshi bolady. Qaýip osynda jatyr», - dedi Bruegel analıtıkalyq ortalyǵynyń dırektory Gýntram Volff.
