Eýrostat: EO-da tarıhta alǵash ret turǵyndardyń tabıǵı ósiminiń azaıýy tirkeldi
BRıÝSSELЬ. QazAqparat - Eýroodaqta tarıhta alǵash ret turǵyndardyń tabıǵı ósiminiń azaıýy tirkeldi. Bul týraly juma kúni taratylǵan «Eýrostat» EO statıstıkalyq keńesi taratqan habarlamada jazyldy.
2015 jyly EO-da shamamen 5,1 mıllıon sábı dúnıege kelgeni, 5,2 mln.-nan astam adam kóz jumǵany atalyp ótildi.
«Bul EO tarıhynda alǵash ret turǵyndardyń tabıǵı ósiminiń azaıǵany, ıaǵnı elde dúnıege keletinderdiń sany dúnıeden ozatyndarǵa qaraǵanda tómen degendi bildiredi», - dep habarlady «Eýrostatta».
Oǵan qaramastan, ótken jyly Eýroodaq turǵyndarynyń sany shamamen 2 mıllıon adamǵa artty, negizinen, mıgratsııa (kóshi-qon) esebinen.
«2016 jyly 1 qańtarda Eýroodaq turǵyndarynyń sany 510,1 mln. adam boldy, bir jyl buryn 508,3 mln. bolǵan», - delingen zertteýde.
Eýroodaqtaǵy halqy kóp elder Germanııa (82,2 mln. turǵyn), Frantsııa (66,7 mln.), Ulybrıtanııa (65,3 mln.) jáne Italııa (60,7 mln.). Bul elderde EO turǵyndarynyń jartysy turady.
«2015 jyly EO-ǵa múshe 17 elde turǵyndar sany artsa, 11-nde tómendedi», - dep atap ótti «Eýrostatta».
Ósim Lıýksembýrg (1 myń turǵynǵa +23,3), Avstrııa (+14,4%), Germanııa (+11,8%), Malta (+11,7%), Shvetsııa (+10,6%), Danııa (+8,4%) jáne Belgııada (+7,2%) baıqaldy.
Halyq anynyń azaıýy Lıtva (-11,3%), Latvııa (-8,7%) jáne Horvatııada (-8,2%), keıin Bolgarııa (-6,7%), Grekııa (-6,0%) jáne Rýmynııada ( 5,6%) tirkeldi.
