«Eýrosport» telearnasy Qazaqstannyń tabysty jas sportshylary týraly telebaǵdarlama túsirmek
STANA. Qyrkúıektiń 3-i. QazAqparat /Jasulan Amanbaıuly/ - «Eýrosport» telearnasy Qazaqstannyń tabysty jas sportshylary týraly «Jas úmit» telejobasyn daıyndaýda. Bul týraly búgin, juma kúni Astanada ótken baspasóz máslıhatynda telearnanyń Shyǵys Eýropa jáne Ortalyq Azııa aýmaǵy boıynsha kommertsııalyq dırektory Sasha Laıer málim etti, dep habarlaıdy QazAqparat.
«Sporttyń ár túrli salalarynda tabysty óner kórsetip júrgen, bolashaǵynan úmit kúttirer jas sportshylar týraly tsıkldy telebaǵdarlamalardy túsirýge qulyqtymyz. Bizdiń basty maqsatymyz Qazaqstannyń sporttyq áleýetin kórsetý, sonymen qatar tsıkldy baǵdarlamalar arqyly osy eldiń mádenıeti men qundylyqtary jóninde maǵlumat berý», dep túsindirdi S. Laıer myrza.
Atalmysh telebaǵdarlamalarda Evgenıı Korolev, Andreı Golýbev, Sergeı Karımov, Roman Kıreev, Evgenıı Nepomnıaşıı jáne taǵyda basqa jas sportshylar ózderi jaıynda áńgime órbitip, álemde olar úshin úlgi tutatyn bedeldi tulǵa kim jáne bolashaqta qandaı maqsattar qoıyp otyrǵandyǵy jóninde keńinen toqtalatyn bolady.
Túsirilim jáne aınalymǵa shyǵarýǵa arnalǵan shyǵyndy tolyqtaı «Eýrosport» arnasy óz moınyna alyp otyr.
Eýrosport - eýropalyq iri televızııalyq holdıng. Onyń quramyndaǵy eki telearna álemniń 59 eline 20 tilde habar taratady. Onyń negizgi baǵyty sporttyq matchtardyń translıatsııasyn, álemdik sport jańalyqtary men baǵdarlamalary. Búgingi tańda telearnanyń 20 mln. tarta kórermeni bar.
