«Eurosport» telearnasy «Astana» velokomandasy týraly arnaıy baǵdarlamalar men reportajdar serııasyn ázirleıdi
BRıÝSSELЬ. 25 sáýir. QazAqparat /Dımash Syzdyqov/ - Álemge tanymal «Eurosport» telearnasy «Astana» velokomandasy týraly arnaıy baǵdarlamalar men reportajdar serııasyn ázirleıtin boldy,
bul týraly komandanyń resmı saıtynda jarııalanyp otyr.
«Astana» velokomandasymen jasalǵan kelisimshart boıynsha, «Eurosport» telearnasy 1 mamyr men 31 shildeniń aralyǵynda komandanyń «Djıro d'Italııa» jáne «Týr de Frans» velojarystaryna ázirligin jáne olarǵa qatysýyn kórsetetin bolady.
«Eurosport» arnasynyń tilshisi men operatory jarys kezderinde kún saıyn qazaqstandyq komanda týraly habar berip turady. Oǵan qosa «Astana» komandasynyń ishinde ne bolyp, ne qoıyp jatqandyǵy týraly da arnaıy baǵdarlama translıatsııalanbaq.
Esterińizge sala keteıik, bıyl maýsymda «Astananyń» quramynda 27 veloshabandoz óner kórsetýde, olardyń 11-i qazaqstandyq sportshylar: Aleksandr Vınokýrov, Asan Bazaev, Aleksandr Dıachenko, Maksım Gýrov, Maksım ı Valentın Iglınskıe, Roman Kıreev, Evgenıı Nepomnıaşıı, Sergeı Renev, Andreı Zeıts ı Dmıtrıı Fofonov. Qalǵan 16 sportshy - legıonerler: Allan Devıs pen Sımon Klarke - avstralııalyqtar, Enrıko Gasparotto, Paolo Tıralongo, Mırko Lorenzetto ı Franchesko Maskıarellı - Italııadan. Komandanyń quramyna sondaı-aq Andreı Grıvko (Ýkraına), Roman Kroıtsıger (Chehııa), Evgenıı Petrov (Reseı), Gorazd Stanglı (Slovenııa), Remı Dı Gregorıo (Frantsııa), Jozef Jýfre (Ispanııa), Tanel Kangert (Estonııa), Fredrık Kessıakof (Shvetsııa), Robert Kıserlovskı (Horvatııa) jáne Tomas Vaıtkýs (Lıtva) kiredi.
