Eurosport «Almaty týry-2014» velojarysyn tikeleı efırde kórsetedi
ASTANA. QazAqparat - Álemdik Eurosport sport telearnasy búgin bastalatyn 1.1 sanatyndaǵy «Almaty týry-2014» tasjoldaǵy halyqaralyq bir kúndik velojarysty tikeleı efırde kórsetedi. Bul týraly telearnanyń saıtynda habarlandy.
Velojarys Almatyda ekinshi ret ótkzilip otyr. Ótken jyly da Eurosport ony tikeleı efırde kórsetken bolatyn. Ony túsirý tikushaqpen de júrgizildi - telearnanyń mıllıondaǵan kórermenderi Almatynyń ásemdigin qus qanaty talatyn zańǵar kókten tamashalady.
Bıylǵy jyly jarysqa álemdik deńgeıdegi 20 komanda qatysady, olardyń ishinde Astana Pro Team, Katusha, Giant-Shimano, Movistar, Omega Pharma - Quick-Step, Bardiane Valvole, CCC Polsat, Synergy Baku Cycling Project veloklýbtary bar.
Budan buryn habarlanǵandaı, «Almaty týry» velojarysyna «Týr de Frans-2014» jeńimpazy Vınchentso Nıbalı qurmettti qonaq retinde qatysady. Astana Pro Team velokomandasynyń quramynda Alessandro Vanottı, qazaqstandyqtar - anderler arasyndaǵy (23 jastan kishi velosıpedshiler) álem chempıony jáne bıylǵy jylǵy Azııa oıyndarynyń jekeleı jarystaǵy jeńimpazy Alekseı Lýtsenko, Andreı Zeıts, Aleksandr Dıachenko, Arman Kamyshev, Rýslan Tileýbaev bar.
«Almaty týry» jarysynda sportshylar árqaısysy 31 shaqyrymdyq alty aınalym qashyqtyqty eńserýi tıis.
Jarysty otandyq «Almaty» jáne «Kazsport» telearnalary da tikeleı efırde kórsetedi. Túsiniktemeshi belgili reseılik jýrnalıst Sergeı Kýrdıýkov.
Velojarys saǵat 10.00-da «Nurly taý» ákimshilik-turǵyn úı kesheni janynda bastalady.
Velosaıys ótkizilýine baılanysty tańǵy saǵat 6-dan 16.00-ge deıin Shyǵys aınalmaly joly men Ál-Farabı dańǵylynda qozǵalys shekteldi.
