EuroSkills: Qazaqstandyq jas mamandar Eýropa chempıonatynda baq synaıdy

ASTANA. KAZINFORM – Qazaq jastary EuroSkills halyqaralyq chempıonatynda baq synaıdy. Kásibı sheberlerdiń jarysy Danııanyń Hernıng qalasynda ótedi.

Bul — osymen 9-ret uıymdastyrylyp jatqan bedeldi chempıonat. Oǵan Eýropanyń 32 elinen 597 jas maman qatysady. Bul týraly «WorldSkills Kazakhstan» basqarmasynyń bas menedjeri Kazinform tilshisine bergen suhbatynda habarlady.

— Bul — 25 jasqa deıingi jumysshy mamandar arasynda ótetin saıys. Munda ár qatysýshy óz salasynda baq synap, úzdikti anyqtaıdy. Qazaqstannan 25 mamandyq boıynsha 28 kolledj stýdenti, túlekteri men jas mamandar qatysady. Onyń 3 quzyrettiliginde komandamen jumys isteıdi. Qazaqstan quramasynyń 90 paıyzy — stýdentter. Baǵyttaryn aıtar bolsaq, olar — qurylys, santehnıka, IT jáne ınjenerlik-tehnıkalyq salalar, — deıdi Elnur Bektashov.

Qazaqstan ulttyq quramasy baıraqty básekege saqadaı saı. Endi 8 qyrkúıek kúni Danııaǵa attanady.

— WorldSkills Kazakhstan-nyń ashylǵanyna 10 jyl boldy. Ár jyly jastar aldymen óńirlik chempıonattarda baq synaıdy. Odan úzdik atanǵandar respýblıkaǵa joldama alady. Respýblıkada jeńiske jetkender halyqaralyq baıqaýda óner kórsetedi. Biz Eýropa chempıonatyna qatysý úshin sońǵy 3 jylda respýblıkalyq chempıonatta júldeli oryn alǵan jastardyń arasynan irikteý ótkizdik. Іrikteýge 100-ge jýyq adam qatysty. Ár mamandyq boıynsha 2 úmitker tańdaldy. Olar 48 kún boıy kásibı, 5 kún psıhologııalyq daıyndyqtan ótti, — dedi bas menedjer.

Aıta keteıik, buǵan deıin «Jumysshy mamandyqtar jyly» Qazaqstandaǵy eńbek naryǵyna qalaı áser etkeni týraly jazǵan edik.