EuroSkills: Qazaqstandyq sarapshylar Eýropa chempıonatynda tórelik etedi
ASTANA. KAZINFORM — EuroSkills-2025 baıqaýynyń qatysýshylaryna qazaqstandyq sarapshylar da baǵa beredi. Bul týraly Qazaqstan ulttyq quramasynyń sarapshysy Kazinform tilshisine bergen suhbatynda habarlady.
— Mendegi quzirettilik — naýbaıhana isi. Bul chempıonatta halyqaralyq sarapshylarmen birge qatysýshylardyń jumysyna baǵa beremin. Nannyń dámine, syrtqy kórinisine, pisýine qaraı baǵalaımyz. Baıqaýǵa 14 elden sarapshy qatysady. Olardyń bári aldyn ala irikteýden ótken. Mundaı sharada sarapshy bolý úshin halyqaralyq dárejeń bolýy kerek. Men osyndaı álemdik chempıonatqa 2 ret qatysqan soń, óz túıindememdi tapsyryp, sarapshylar tizimine iliktim. Naýbaıhana isi boıynsha 13 qatysýshy baq synaıdy, — deıdi Erkebulan Mahmutov.
Aıta keteıik, EuroSkills-2025 chempıonatynda 28 qazaqstandyq jas maman baq synaıdy.