Eýropol Eýroodaqta lańkestik qaýpiniń artyp kele jatqanyn habarlady
ASTANA.KAZINFORM — Eýropoldyń ókili Irandaǵy qaqtyǵysqa baılanysty Eýroodaq elderinde lańkestik áreketter qaýpi kúsheıgenin málimdedi. Bul týraly Euractiv jazdy, dep habarlaıdy Kazinform agenttiginiń Brıýsseldegi menshikti tilshisi.
Eýropolde Irannyń nusqaýymen áreket etetin toptar Eýropalyq Odaq aýmaǵynda da turaqsyzdyq týdyratyn árekettermen aınalysýy múmkin ekeni atap ótildi.
— Eýroodaq aýmaǵyndaǵy terrorıstik jáne zorlyq-zombylyq ekstremıstik qaýiptiń deńgeıi joǵary dep baǵalanady. Bul keıbir jeke tulǵalar nemese shaǵyn, ózin-ózi uıymdastyrǵan toptar tarapynan el ishinde radıkaldaný túrinde kórinýi múmkin, — dedi Eýropoldyń ókili ıAn Op gen Oort.
Ol jelide kontenttiń tez taralýy Eýroodaq aýmaǵynda turatyn dıasporalar men basqa tulǵalar arasynda qysqa merzimdi radıkaldanýdy jedeldetýi múmkin ekenin aıtty.
Osy aptada Eýropalyq komıssııanyń Qaýipsizdik kolledji Izraıldiń jetekshiligimen jasalǵan soqqy kezinde burynǵy Irannyń joǵarǵy jetekshisi Álı Hameneı ólimine baılanysty Iran tarapynan yqtımal jaýap áreketterine alańdaı otyryp, Eýropolmen yntymaqtastyqty kúsheıtýge sheshim qabyldady.
— Eger ırandyqtar shydamy taýsylsa, haotıkalyq terrorızmge barýy yqtımal, onda Tegeranmen tikeleı baılanysy joq táýelsiz toptarǵa áreketterin erkin júrgizý tapsyrmasy berilýi múmkin, — dep habarlady polıtsııa qurylymdaryndaǵy aımaqtyq derekkóz Euractiv-ke.
Eýropoldyń baǵalaýynsha, eger qaqtyǵys jalǵasa berse, batystyq ınfraqurylym men bızneske baǵyttalǵan kıbershabýyldar qaýpi odan ári artýy múmkin.
Europol — Eýropalyq Odaqtyń quqyq qorǵaý salasyndaǵy yntymaqtastyq jónindegi resmı polıtsııa agenttigi. Onyń tolyq resmı ataýy — Eýropalyq Odaqtyń Quqyq qorǵaý salasyndaǵy yntymaqtastyq jónindegi agenttigi.
Osyǵan deıin Eýropalyq Odaq jáne Parsy shyǵanaǵy elderi Irannyń shabýyldaryn aıyptap, shıelenisti azaıtýǵa shaqyrǵany týraly jazdyq.
