Eýroparlamenttiń delegatsııasy Eýromaıdannyń aınalasyndaǵy jaǵdaıdy zerdeleý úshin Kıevke barady
BRıÝSSELЬ. 16 qańtar. QazAqparat- Eýroparlamenttiń delegatsııasy 28-31 qańtarda eýropalyq ıntegratsııany qoldaǵan beıbit narazylyq aınalasyndaǵy jaǵdaıdy zerdeleý úshin Kıevke barady. Bul týraly Strasbýrgte Eýroparlamenttiń syrtqy ister komıtetiniń otyrysynda komıtet basshysy Elmar Brok málimdedi.
"Bizdiń jospar - Maıdandaǵy demonstratsııa kóshbasshylarymen jáne oppozıtsııa, úkimet, azamattyq qoǵam ókilderi, stýdentter jáne basqa da adamdarmen kezdesý", - dep atap ótti Eýroparlament komıtetiniń basshysy.
Onyń aıtýynsha, sońǵy kúnderi Ýkraınadaǵy jaǵdaı ýshyǵyp ketti. Oǵan mysal, Kıevte Svıatoshın AІІB mańynda «Búrkit» ókilderi Ýkraınanyń burynǵy Іshki ister mınıstri ıÝrıı Lýtsenkony soqqyǵa jyqty.
Budan basqa, ol Kıevte Maıdandy qýyp-taratýdyń yqtımal josparlary týraly habarlamanyń bolýy alańdaýshylyq týdyryp otyrǵanyn atap ótti.
E. Brok mıssııanyń negizgi mindeti beıbit sherýshilermen yntymaqtastyq ekenin de aıtyp ótti.
