Eýroparlamenttegi Aral jónindegi keńes Qazaqstannyń EQYU-ǵa tóraǵalaǵy aıasynda máselelerdi sheshýge kómektesti - AQHQ atqarýshy komıtetiniń basshysy
BRıÝSSELЬ. Qazannyń 13-i. QazAqparat /Dımash Syzdyqov/ - Seısenbi kúni Eýroparlamentte Aral teńizi máseleleri jóninde bolǵan arnaıy keńes Qazaqstannyń EQYU-ǵa tóraǵalyǵy aıasynda ótip, QR Prezıdenti N.Nazarbaev jarııa etken úsh máselege qatysty problemalardy sheshýge kómektesti. Bul týraly is-shara qorytyndysy boıynsha Araldy qutqarýdyń Halyqaralyq qory (AQHQ) atqarýshy komıtetiniń tóraǵasy Saǵıt Ibattýlın málim etti.
Onyń aıtýynsha, ekologııalyq máseleler Aral qasiretinen aınalyp ótetin bolsa, onda sheshimin tappaıdy. «Búgin men osy máselelerdi qıyn sharttardyń ózinde qalaı sheshýge bolatynyn kórsetýge tyrystym. Qazaqstan qıyndyqtan shyǵý jolyn tapty jáne de Aralymyzdy 1960 jyldardaǵy jaǵdaıyna deıin qaıtadan qalpyna keltirýge tyrysady. Bul bizdiń buljymaıtyn ustanymymyz, Memleket basshysy men osy másele boıynsha jumys atqaryp júrgen mamandardyń turaqty talpynysy», - dedi S.Ibattýlın.
Máseleni sheshýdiń keshendi joldaryn qozǵaǵan AQHQ atqarýshy komıteti bastyǵynyń sózine qaraǵanda, Araldy qalpyna keltirý máselesinde oǵan quıatyn Syrdarııa jáne Amýdarııa ózenderiniń de máselelerin sheshý kerek.
