Eýroparlament zorlaýdy kelisim qaǵıdaty boıynsha anyqtaýdy usyndy
ASTANA. KAZINFORM – Eýroparlament Eýroodaq aýmaǵynda zorlaý qylmysyna biryńǵaı anyqtama engizýdi usynyp, ony «tek “ıá” – bul “ıá”» qaǵıdatyna negizdeýdi qoldady.
Depýtattardyń pikirinshe, mundaı tásil áıelderdi qorǵaýdy kúsheıtip, seksýaldyq sıpattaǵy zorlyq-zombylyqpen kúresti tıimdi etedi. Kópshilik bul bastamany qoldap, Eýropalyq komıssııa tarapynan tıisti zań jobasyn ázirleýdi surady.
Usynysqa sáıkes, zorlaý uǵymy erikti kelisimniń bolmaýyna negizdelýi tıis. ıAǵnı jábirlenýshiniń naqty kelisimi bolmasa, bul qylmys retinde qarastyrylýy kerek.
Bul qaǵıdat qazirdiń ózinde keıbir elderde qoldanylady. Mysaly, Shvetsııa 2018 jyly osyndaı normany engizgen, al Frantsııa zańnamasyn jaqynda jańartty.
Germanııa sekildi birqatar memlekette qylmystyq jaýapkershilikke tartý úshin áli de naqty qarsylyq kórsetilgenin dáleldeý talap etiledi. Sarapshylardyń aıtýynsha, bul jaǵdaı jábirlenýshilerdi qorǵaý deńgeıin tómendetedi.
Aıta keteıik, Eýroparlament depýtattary EO bıýdjetin 2 trıllıon eýroǵa keńeıtýdi usyndy.
