Eýroparlament vıtse-prezıdenti jemqorlyq isi boıynsha ustaldy

ASTANA. QazAqparat – Belgııada Eýroparlament vıtse-prezıdenti Eva Kaılı men taǵy tórt saıasatker ustaldy. Olar Parsy shyǵanaǵyndaǵy elderdiń biri Eýroparlamentte óz yqpalyn «satyp alýyna» baılanysty jemqorlyq isi týraly tergeý aıasynda tutqyndaldy, dep habarlaıdy QazAqparat Euronews-ke silteme jasap.

Tergeýshiler naqty eldi atap ótken joq. Alaıda, belgııalyq BAQ, atap aıtqanda Le Soir gazeti derekkózge silteme jasaı otyryp, qazir fýtboldan Álem chempıonatyn ótkizip jatqan Katar ekenin habarlady.

Resmı aty atalmaǵan el laýazymdy tulǵalarǵa para berip, Eýroparlamentte óz múddesin kótergen.
Juma kúni Brıýsselde júrgizilgen 16 tintý jumysy barysynda polıtsııa kompıýterler, uıaly telefondar men 600 myń eýro qaǵaz aqsha tárkilegen. Ustalýshylar arasynda Italııadan saılanǵan burynǵy depýtat, Halyqaralyq kásipodaq konfederatsııasynyń basshysy, ÚEU dırektory men depýtattardyń biriniń kómekshisi bar. Belgııa quqyq qorǵaý organdary birneshe aı boıy tergeý júrgizip keledi.
Eýropalyq parlament óz málimdemesinde sot isine túsinik bermeıtinin, sáıkes ulttyq organdarmen yntymaqtastyq jasap otyrǵanyn habarlady.